काठमाडौं । नक्कली भुटानी शरणार्थी प्रकरणमा पक्राउ परेका पूर्व उपप्रधानमन्त्री टोपबहादुर रायमाझीलाई सरकारी वकिलको कार्यालय लगिएको छ ।
आइतबार राती बुढानिलकण्ठबाट पक्राउ परेका रायमाझीलाई अनुसन्धानका लागि म्याद थप गर्न प्रहरीले सरकारी वकिलको कार्यालय काठमाडौं लगेको हो । सरकारी वकिलको कार्यालयबाट सम्पूर्ण पक्रिया पूरा गरेपछि रायमाझीलाई म्याद थपका लागि काठमाडौं जिल्ला अदालत लगिनेछ ।
नक्कली भुटानी शरणार्थी प्रकरणमा मुछिएपछि रायमाझी र उनका छोरा सन्दीपविरुद्ध वैशाख २० गते पक्राउ पुर्जी जारी भएको थियो । तर, त्यसयता टोपबहादुर फरार थिए, छोरा सन्दीप भने यसअघि नै पक्राउ परिसकेका छन् ।
अदालतले म्याद दिएपछि रायमाझीमाथि प्रहरीले थप अनुसन्धान गर्नेछ ।
