काठमाडौं । बुद्ध एयरको जहाजमा समस्या देखिएको छ । सोमबार काठमाडौंदेखि भैरहवाका लागि उड्न तयार रहेको बुद्ध एयरको ८५९ जहाजमा समस्या देखिएको हो ।

विमान त्रिभुवन अन्तराष्ट्रिय विमानस्थलको रनवेमा नपुग्दै एक्कासी विमानको स्मोक डिटेक्टरमा समस्या देखिएको थियो । विमानमा अचानक समस्या देखिएपछि जहाजलाई पुनः फर्काइएको विमानस्थलका प्रवक्ता टेकनाथ सिटौलाले जानकारी दिएका छन् ।

यात्रु बोकेर उड्न तयार रहेको बुद्ध एयरको विमानमा समस्या देखिँदा उक्त विमान फर्काएर अर्को विमानमार्फत यात्रुलाई भैरहवा पठाइएको छ । विमानमा के कारणले समस्या आयो भन्ने विषयमा भने अध्ययन गरिरहेको बुद्ध एयरले जनाएको छ ।