काठमाडौं । प्रधानमन्त्री पुष्पकमल दाहाल (प्रचण्ड)ले लुम्बिनी केबलकारको उद्घाटन गरेका छन् । बिहीबार एक कार्यक्रमकाबीच प्रधानमन्त्री प्रचण्डले बुटवलको बमघाटबाट पाल्पाको तिनाउ गाउँपालिका वडा नम्बर ३ बसन्तपुर जोड्ने लुम्बिनी केबलकारको उद्घाटन गरेका हुन् ।
प्रधानमन्त्री दाहालले बसन्तपुर डाँडाँस्थित केबलकारको माथिल्लो स्टेशन पुगेर केबलकारको औपचारिक उद्घाटन गरेका हुन् । आइएमई समूहको लगानीमा निर्माण भएको उक्त केबलकारमा २५ गोन्डुला रहेका छन् छन् दैनिक ६ हजार यात्रुलाई केबलकारले सेवा दिन सक्ने बताइएको छ ।
केवलकारको उद्घाटनसँगै लुम्बिनी केबलकार प्रालीका अध्यक्ष चन्द्रप्रसाद ढकालले लुम्बिनी केबलकार सञ्चालनले बसन्तपुरमा नयाँ धार्मिक र पर्यटकीय गन्तब्य थपिएको बताएका छन् । लुम्बिनी केबलकारको सम्पूर्ण आयोजनाको कुल लागत पाँच अर्ब रुपैयाँ रहेको छ । आइएमई समूहले यसअघि नवलपुरको मौलाकालिका र काठमाडौंको चन्द्रागिरिमा पनि केबलकार सञ्चालनमा ल्याएको थियो । केबलकार उद्घाटनका खास झलकहरु फोटो फिचरमा हेर्नुहोस्ः
