काठमाडौं । काठमाडौं महानगरपालिकाले शिक्षकहरुलाई मासिक रुपमा तलब दिने भएको छ । आगामी आर्थिक वर्ष २०८० ८१ को बजेट सार्वजनिक गर्दै उपमेयर सुनीता डंगोलले हाल चौमासिक रुपमा तलब पाउँदै आएका सामुदायिक विद्यालयका शिक्षकहरुलाई मासिक रुपमा तलब उपलब्ध गराउने घोषणा गरेकी छिन् ।
महानगरभित्रका सामुदायिक विद्यालयका शिक्षकलाई मासिक रुपमा तलब दिनका लागि महानगरले ३० करोडको सोध भर्ना कोष खडा गरेको उपमेयर डंगोलले बताएकी छिन् ।
त्यस्तै, काठमाडौं महानगरपालिकाले प्रधानाध्यापकको मासिक भत्ता वृद्धि गर्ने घोषणा समेत गरेको छ । यद्यपी कति वृद्धि गर्ने ? भन्ने बारमा भने टुंगो लागिसकेको छैन । महानगरले आगामी आर्थिक वर्षमा शिक्षा क्षेत्रमा १ अर्ब ३२ करोड ९ लाख ३३ हजार रुपैयाँ विनियोजन गरेको छ ।
