काठमाडौं । सेयर लगानीकर्ताहरु लगानीकर्ताहरुको महासंघ बनाउन सहमत भएका छन् । मंगलवार काठमाडौंमा आयोजित छलफलबाट साझा संगठनकोरुपमा महासंघ निर्माणका लागि सहमति जुटेको हो । महासंघ बनाउन बनेको समितिका संयोजक रोहण कार्कीले महासंघ बने सहज हुनेमा सबै लगानीकर्ताहरु विश्वस्त रहेको बताए ।

‘सबै लगानीकर्ताहरुले विगत लामो समयदेखि माग गर्दै आएको एउटै साझा संगठन महासंघ हुनुपर्छ भन्ने थियो । त्यो महासंघ निर्माण गर्नुपर्ने कुरामा हामी सहमत भयौं ।’ उनले भने।

उनले संसदको अर्थसमितिबाट आएको विषयवस्तु नयाँ ब्रोकर रोक्ने अर्थ समितिको निर्णयमा आफुहरुको आपत्ति रहेकोसमेत बताएका छन् । रोकिएको नयाँ ब्रोकर लाइसेन्ससम्बन्धि प्रक्रियालाई सूचारु गर्न अर्थ समितिसँग वार्ता गर्नेसमेत उनको भनाई छ।