काठमाडौँ । अध्यक्ष भएदेखि नै सेयर लगानीकर्ताका पक्षमा निरन्तर काम गरेका नेपाल धितोपत्र बोर्डका अध्यक्ष रमेश कुमार हमाल लगानीकर्ताको माग सम्बोधनका लागि पहल गर्न अर्थ मन्त्रालय पुगेका छन् । मन्त्रालयमा उनले लगानीकर्ताको आन्दोलन र यसका सम्भावित समाधानका उपायका बारेमा ब्रिफिङ गरेका थिए ।
ब्रिफिङ पछि अर्थ मन्त्रालयले आन्तरिक राजश्व विभागका डिजीसँग पनि ब्रिफिङ लिएको छ । विभागका डिजीलेसमेत लगानीकर्ताको आन्दोलनको समाधानका लागि विकल्पहरु दिएको मन्त्रालय स्रोतको दाबी छ । ‘विहान अर्थमन्त्रीज्यू स्वयमले पनि यस विषयमा चासो राखेर विभिन्न सरोकारवालाहरुसँग कुरा गर्नुभएको छ । आशा गरौँ, छिट्टै उठेका विषयको समाधान निस्किनेछ ।’
आजै प्रतिनिधि सभाको बैठकमा बजेटका विषयमा छलफल छ भने अर्थमन्त्री त्यसैको तयारीमा छन् । आज संसदमा सांसद हरि ढकाल लगायतले सेयर लगानीकर्ताका मागका बारेमा संसदमा बोल्ने कार्यक्रम छ ।
