काठमाडौं । समृद्धि फाइनान्स कम्पनी लिमिटेडको १०औं शाखाको रुपमा शाखा कार्यालय औरही, महोत्तरीको समुद्धघाटन भएको छ । आसर ६ गते बुधबार  औरही नगरपालिकाका मेयर प्रदिप कुमार खडका र समृद्धि फाईनान्स लिमिटेडका संचालक दुर्गा थापाले संयुक्त रुपमा उद्धघाटन गरेका हुन् ।

उक्त कार्यक्रममा संस्थाका नायब प्रमुख कार्यकारी अधिकृत गोकर्ण प्रसाद दुवाडीले संस्थाको परिचयका साथै संस्थाले उपलब्ध गराउने सेवा सुबिधाको बारे प्रकाश पार्दै स्वागत मन्तव्य दिएका थिए । साथै, कार्यक्रममा औरही नगरपालिका वडा नं. १ का वडाध्यक्ष योगी चौधरी, औरही उद्योग बाणिज्य संघका प्रमूख श्रवण चौधरी र औरही नगरपालिकाको मेयर प्रदिप कुमार खडका लगायतले बैंकको आवश्यकता र महत्वको विषयमा आफ्नो धारण राखेका थिए ।

त्यसैगरी, संस्थाका संचालकले स्थानीय बासिन्दाहरुको आवश्यकता बमोजिम बैंकले आफ्ना सेवाहरु लाई परिमार्जन गर्दै गुणस्तरिय सेवा दिने कुरा विश्वस्त परेका थिए ।

उक्त नयाँ शाखा सहित देशभरी फाइनान्सको शाखा सञ्जाल दस वटा पुगेको छ । संस्थाले यसै हप्ता  थप २ नयाँ शाखाहरु उद्धघाटन गर्ने योजना रहेको जनाएको थियो । संस्थाको आइपीएस, कनेक्ट आइपीएस, रेमिटान्स, एसएमएस अलर्ट, क्लियरिङ्ग लगायतका सेवाहरु सञ्चालनमा रहेको छ ।