काठमाडौं । काठमाडौंमा साइकल र्यालीको आयोजना गरिएको छ । सोमबार परेको विश्व वातावरण दिवसको अवसरमा डिबिएनको सहयोगमा सांग्रिला डेभलपमेन्ट बैंकले साइकल र्यालीको आयोजना गरेको हो ।
पछिल्लो समय बिग्रदै गएको वातावरणलाई स्वच्छ राख्न र काठमाडौंलाई ग्रिन र क्लिन सिटी बनाउनुपर्छ भन्ने सन्देश दिनका लागि साइकल र्यालीको आयोजना गरिएको सांगिला डेभलपमेन्ट बैंकका सीईओ सुयोग श्रेष्ठले बताएका छन् । ‘अहिले दिनप्रतिदिन हाम्रो वातावरण दुषित हुँदै गएको छ । सहरमा धुँवा, धुलो बढिरहेको छ ।’, सीईओ श्रेष्ठले भने, ‘काठमाडौंमा साइकलको संख्या बढाउनुपर्छ र वातावरण स्वच्छ राख्नुपर्छ भन्ने सन्देश दिन खोजेका हौँ।’
बालुवाटारस्थित बैंकको केन्द्रीय कार्यालयबाट सुरु भएको उक्त साइकल र्याली नक्साल, हात्तिसार, दरबारमार्ग हुँदै सुन्धारासम्म पुग्नेछ । उक्त साइकल र्यालीमा सयौंको संख्यामा साइकलिस्टहरुको सहभागिता रहेको छ । बाँकी फोटो फिचरमा हेर्नुहोस्ः
