काठमाडौं । साताको कारोबारको दोश्रो दिन सोमबार सेयर बजार मापक नेप्से परिसूचक दोहोरो अंकले घटेको छ । आइतबारको तुलनामा नेप्से परिसूचक १७.३८ अंकले घटेर १९०१.९९ बिन्दुमा पुगेको हो ।
सोमबार नेप्सेमा कुल २७७ कम्पनीको ५६ लाख २० हजार ३ सय ८१ कित्ता सेयर खरिद बिक्री हुँदा १ अर्ब ९७ करोडमाथिको सेयर कारोबार भएको छ । आज पनि सबैभन्दा बढी कारोबार शिवम् सिमेन्टको भएको छ । यस कम्पनीको १९ करोड ८९ लाख ५६ हजार ३ सय ५३ रुपैयाँ बराबरको सेयर कारोबार भएको छ ।
यस्तै सोमबार सेयर बजारमा रिभर फल्स पावरका लगानीकर्ताहरु मालामाल भएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा ग्लोबल आइएमई ब्यालेन्स फण्ड-१, गोर्खाज फाइनान्स, बिपीडब्लु लघुवित्त वित्तिय संस्था, मानुषी लघुवित्त वित्तिय संस्था र आइजीआइ प्रुडेन्सियल इन्स्योरेन्सका लगानीकर्ताहरु पनि मालामाल भएका छन् । हेर्नुहोस् सोमबार सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच सोमबार सेयर बजारमा सबैभन्दा बढी कारोबार शिवम् सिमेन्ट सेयरको भएको छ । यस कम्पनीको १९ करोड ८९ लाख ५६ हजार ३ सय ५३ रुपैयाँ बराबरको सेयर कारोबार भएको छ । यस अलावा आइजीआइ प्रुडेन्सियल इन्स्योरेन्स, चिलिमे हाइड्रोपावर, सानिमा माई हाइड्रोपावर, सोल्टी होटल र हिमालयन डिष्ट्रिलरीको पनि अत्याधिक कारोबार भएको छ । हेर्नुहोस् सोमबार सेयर बजारमा सर्वाधिक कारोबार हुने कम्पनीहरूको सूचीः
यस्तै सोमबार सेयर बजारमा शिवम् सिमेन्टका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ४ प्रतिशतभन्दा धेरैले घटेको हो । शिवम् सिमेन्टमा यस्तो गिरावट आउँदा जोशी हाइड्रोपावर, मेरो माइक्रो फाइनान्स वित्तिय संस्था, कालिका लघुवित्त वित्तिय संस्था र बरुण हाइड्रोपावरमा पनि उच्च गिरावट देखिएको छ । हेर्नुहोस् सोमबार सेयर बजारमा सबैभन्दा बढी गुमाउने कम्पनीहरुको सूचीः
