काठमाडौं । सुन लुकाएको आशंकामा राजस्व अनुसन्धान विभागले चिनियाँ नागरिकले भाडामा लिएको घरमा छापा मारेको छ ।
बिहीबार विभागले १०० किलो सुन तस्करी प्रकरणमा पक्राउ परेका चिनियाँ नागरिक जिक्वान लिनले लाजिम्पाटमा भाडामा लिएको एक घरमा छापा मारेको हो । छापा मार्दा सुन भने नभेटिएको विभाग स्रोतले जनाएको छ ।
छापा पनि विभागको टोलीले चिनियाँ नागरिक लिनले भाडामा लिएको फ्ल्याट सिल गरेको छ । भाडामा लिइएको उक्त फ्ल्याटबाट सुन अन्तै सिफ्ट भइसकेको अनुमान गरिएको छ ।
बुधबार प्रहरीले लिनले नै काठमाडौंको सोह्रखुट्टेमा भाडामा लिएर सञ्चालन गरेको गोदामबाट साढे ११ सय ‘ब्रेक शु’, सुन पगाल्ने उपकरण बरामद गरेको थियो ।
