काठमाडौँ । झापाका मेडिकल व्यवसायी दुर्गा प्रसाईं अहिले टक अफ दी टाउनमै छन् भन्दा फरक पर्दैन । छापा, टेलिभिजन, अनलाइन, युट्युब र अन्य सामाजिक संजालमा उनकै चर्चा छ । सनातन हिन्दु राज्य कायम हुनुपर्ने, देशमा राजा फर्किनुपर्ने मागसहित उनी अभियानमा छन् भने लघुवित्त, सहकारी लगायतकाको २० लाख भन्दा मुनिको ऋण मिनाहा गर्नुपर्ने मागसहित उनी र उनको समूह आन्दोलनमा छ । अर्कोतर्फ उनी बैंकविरुद्ध अदालतमा गएका छन् । बैंकले आफुलाई धोकाधढी गरेको भन्दै उनी न्यायलयको ढोका ढकढकाईरहेका छन् । यस कारण पनि उनी चर्चामा छन् । तर अचानक उनलाई मार्ने योजना बनाएर करोडौं रुपैयाँ मागेको आरोपमा सीआईबीले रमेश गुरुङ नाम गरेका व्यक्तिलाई पक्राउ गरेको छ । यो घटनापछि उनको चर्चा थप चुलिएको छ ।
आखिर के हो उनलाई ब्ल्याकमेलिङ्ग गरिएको घटना ?
कुरा केहि समय अघिमात्रको हो । असार पहिलो साता उनलाई एक अपरिचित नम्बरबाट फोन आयो । उनी मिडिया वा अन्य अभियानकर्मीसँग पनि निसंकोच कुरा गर्ने व्यक्ति हुन् । जुनसुकै नम्बरबाट आएको नम्बरलाई रेस्पोन्स गर्ने उनको राम्रो बानी पनि हो । त्यसैले सो नम्बर बाट आएको फोन पनि उनले उठाए । तर यसपाली उनलाई आएको फोन केहि फरक खालको थियो ।
भक्तपुरस्थित आफ्नै निजीनिबासमा बसिरहेका बेला आएको सो फोनमा उनको हत्याको योजना बनेको र सो कामका लागि कसैले ३० करोड रुपैयाँ दिनेगरी आफुले सुपारी लिएको कुरा बताइएको थियो । र फोन गर्ने व्यक्तिको भनाई थियो यदी सो रकम प्रसाईंले नै दिने हो भने उनी हत्या योजनाबाट ब्याक हुनेछन् । त्यसपछि प्रसाईंले उनलाई उनको परिचय सोधे । उताबाट खबर आयो प्रवेश लामा । प्रसाईंले आफुलाई कसैले गरेको त्यस्तो फोनलाई त्यति ठुलो रुपमा लिएनन् । मलाई कसले किन र के कारणले मार्न चाहान्छ र ? यहि सोचेर उनले धेरै लामो कुरा पनि गरेनन् ।
प्रसाईं प्रहरीका उच्च तहका व्यक्तिहरुसँग सम्पर्क भएका मान्छे हुन् । पूर्वराजासँगसमेत राम्रो सम्बन्ध भएका उनका आफ्नै स्वयम् सेक्युरिटी फोर्स छ । उनी डराएनन् तर यतिको फोन आईसकेपछि उनले प्रहरीको सहयोग लिनुपर्छ भन्ने कुरा सोचे । त्यसपछि उनले यस विषयमा सीआईबीका उच्च अधिकारीसँग सल्लाह गरे । सीआईबीका उच्च तहका अधिकारीहरुसँगको छलफलपछि सीआईबीले सो व्यक्तिको फलोअप सुरु गर्यो ।
दुर्गा प्रसाईंलाई त्यसरी फोन गर्ने व्यक्तिले अव ह्वाट्सएपमा सम्पर्क गर्न थाल्यो । उनीहरुबीच वाट्सएपमा झगडा नै हुन्छ । यतिसम्मकि उनलाई फोन गर्नेले आयु अब धेरै दिन छैन, अब धेरै दिन जाँदैनस्, कात्रो तयार पारेर राखसमेत भन्छ । प्रसाईंले उनलाई त्यसपछि फोन गर्न खोज्छन् तर उनले फोन उठाउँदैनन् । म फोनमा कुरा गर्दिन, जे भन्नुपर्ने छ यहीं मेसेजमै भन्नुहोस् भनेर उनी फोनमा कुरा गर्न इन्कार गरिरहन्छन् ।
प्रसाईंले यतिबेलासम्म प्रहरीलाई उनको अपडेट गराईरहेका थिए । उनले फोन गरेका व्यक्तिको नम्बरबारे सीआईबी अनुसन्धानमा लागिसकेको हुन्छ । तर अरु कसैको नामबाट लिईएको फोन नम्बर भएकाले त्यति सहज भएन प्रहरीलाई । त्यसमाथि उनको फोन अफ हुन्थ्यो र उनी ह्वाट्सएपमा मात्र कुरा गर्थ्य । जसका कारण उनको लोकेसन ट्रयाक गर्न पनि सार्है गाह्रो थियो ।
त्यसपछि दुर्गा प्रसाईंले ५ करोड रुपैयाँ दिन आफु तयार भएको बताउँछन् । उताबाट मान्दैनन । प्रसाईंले त्यसपछि आफु ५ करोडभन्दा बढी दिन नसक्ने बताउँछन् । उताबाट आफुलाई ३० करोडको अफर आएको र बढीमा १५ करोडसम्म मात्र मिलाउन सक्ने जवाफ आउँछ । लामो वार्तालापपछि उ ५ करोड रुपैयाँ दिन तयार हुन्छ । त्यसपछि सोमबार ५ बजे भेट्ने र पैसा लेनदेन गर्ने सल्लाह हुन्छ ।
पैसा दिने डिसिजनपछि पनि उसले निरन्तर थर्काईरहन्छ । उसले दायाँबायाँ भए राम्रो नहुने धम्की दिन्छन् । त्यसपछि उनीहरुको मंगलबार विहान ८ बजे भेट्ने सल्लाह हुन्छ । प्रसाईंलाई उनले रेडी हुन भन्छन् । उनीहरुबीच सल्लाह भए अनुसार भेटघाट तय हुन्छ ।
पैसाको लिएर म आउंदैछु भनेर प्रसाईंले खबर गर्छन् । सो सब कुराको अपडेट सीआईबी पहिला नै भईसकेको थियो । जव उतापट्टीका तर्फबाट एक व्यक्ति पैसा लिन भनेर आउँछ, प्रहरीले सो व्यक्तिलाई पक्राउ गर्छ । प्रहरीले त्यसपछि उनीसँग बयान लिन्छ । बयानका क्रममा उनले आफु ९ वर्ष साउदी अरब बसेर फर्किएको बताएका छन् । तर जो पक्राउ परेका छन्, ती व्यक्ति आफुले कुरा गरेको व्यक्ति नभई उसको मान्छे मात्र भएको प्रसाईंको भनाई छ । यस विषयमा प्रहरीले थप अनुसन्धान गरिरहेको छ ।
