काठमाडौं । त्रिभुवन अन्तराष्ट्रिय विमानस्थलबाट बरामद गरिएको सय किलो सुन प्रकरणमा थप एक जना पक्राउ परेका छन् । बिहीबार प्रहरीले सुन तस्करीमा संलग्न रहेको आशंकामा एक जना चिनियाँ नागरिकलाई पक्राउ गरेको हो ।
पक्राउ पर्नेमा चिनियाँ नागरिक चछ्याङ लिन रहेको छन् । उनलाई बिहीबार त्रिभुवन अन्तराष्ट्रिय विमानस्थलको प्रस्थान कक्षबाट बाहिरिने क्रममा पक्राउ गरिएको हो । पक्राउ परेसँगै उनलाई थप अनुसनधानका लागि राजस्व अनुसन्धान विभागको जिम्मा लगाइएको विमानस्थलको अध्यागमन कार्यालय गौचरले जनाएको छ ।
विमानस्थलबाट जाँचपास भई ट्याक्सीमा राखेर बाहिर लैजाने क्रममा करिब एक सय किलो सुन राजस्व अनुसन्धान विभागले बुधबार सिनामंगलबाट बरामद गरेको थियो । सो प्रकरणमा यसअघि प्रहरीले एक भारतीय नागरिकसँगै ६ जनालाई पक्राउ गरिसकेको छ ।
