‘यो केस अलि अघिको हो । केस थाहा पाएपछि हामीले ती कर्मचारीलाई स्पष्टीकरण सोध्यौँ । उनले बैंकका अन्य ग्राहकको नभई बैंकमा खाता भएका आफ्ना आफन्तको नागरिकता दुरुपयोग गरी डिम्याट खाता खोलेको भन्ने जवाफ दिईन् ।’ शर्माले अर्थ सरोकारसँग भने- ‘त्यसपछि हामीले सो डिम्याट खाताहरु बन्द गर्न लगायौँ, र उनलाई घटुवासमेत हुनेगरी कारवाही गर्यौँ । अहिले उनी बैंकको अर्को शाखामा काम गरिरहेको सत्य हो ।’

उनले ग्राहकलाई कुनै पनि हानी नभए पनि गलत गरेकाले उनलाई कारवाही गरिएको बताए । गलत गर्नेलाई कारवाही गर्न आफ्नो बैंक पछि नहट्ने बताउँदै उनले कर्मचारी बिनियमावाली अनुसार नै ती कर्मचारीलाई कारवाही भएको दाबी गरेका छन् ।

यता बैंकको ३ करोड रकम अपचलन प्रकरणमा पनि बैंकले घटना भएको र यस्तो गलत काममा संलग्नहरुलाई कारवाही प्रक्रिया अघि बढिसकेको स्वीकारेका छन् । उनले कर्मचारी विनियमावली अनुसार निज कर्मचारीलाई कारवाही भईसकेको र आवश्यक परे थप कारवाहीसमेत हुने बताएका छन् । शर्मा माथि आफु पनि पक्राउ पर्ने डरले रकम अपचलनको केस प्रहरीसम्म नपुर्याएको आरोपसमेत छ । उनले सो आरोप सहि नभएको र कर्मचारी विनियमावलीले कस्तो केसमा कर्मचारीलाई कस्तो कारवाही गर्नुपर्छ भन्ने स्पष्ट बोल्ने हुनाले आफुहरुले सोहि अनुसार गरेको दाबी गरेका छन् ।