काठमाडौं । साताको कारोबारको तेश्रो दिन मंगलबार सेयर बजार मापक नेप्से परिसूचक बढेको छ । सोमबारको तुलनामा नेप्से परिसूचक १७.६९ अंकले बढेर २०१५.९८ बिन्दुमा पुगेको हो ।

मंगलबार नेप्सेमा कुल २७७ कम्पनीको ६० लाख ३१ हजार ३ सय ५६ कित्ता सेयर खरिद बिक्री हुँदा १ अर्व ३३ करोडमाथिको सेयर कारोबार भएको छ । आज सबैभन्दा बढी कारोबार कुमारी बैंक लिमिटेडको प्रमोटर सेयरको भएको छ । यस कम्पनीको २८ करोड ५९ लाख १९ हजार ६ सय ६ रुपैयाँ बराबरको सेयर कारोबार भएको छ ।

यस्तै मंगलबारको सेयर बजारमा कुथेली बुखरी स्माल हाइड्रोपावरका लगानीकर्ताहरु मालामाल भएका छन् । यस कम्पनीको सेयर मूल्य ९ प्रतिशत भन्दा धेरैले बढेको हो । यस अलवा इङवा हाइड्रोपावर, माइ खोला हाइड्रोपावर, मकर जितु माया सुरी हाइड्रोपावर, छ्याँग्दी हाइड्रोपावर र मोदी इनर्जीका लगानीकर्ताहरु पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरूको सूचीः

यसैबीच मंगलबारको सेयर बजारमा सबैभन्दा बढी कारोबार कुमारी बैंक लिमिटेडको प्रमोटर सेयरको भएको छ । यस कम्पनीको २८ करोड ५९ लाख १९ हजार ६ सय ६ रुपैयाँ बराबरको सेयर कारोबार भएको छ । यस अलावा युनाइटेड अजोड इन्स्योरेन्स, शिवम् सिमेन्ट, सोल्टी सिमेन्ट, घोराही सिमेन्ट, आइएमई लाइफ इन्स्योरेन्स र माछापुच्छ्रे बैंकको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरूको सूचीः

यस्तै मंगलबारको सेयर बजारमा लक्ष्मी लघुवित्त वित्तिय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ४ प्रतिशतभन्दा धेरैल घटेको हो । लक्ष्मी लघुवित्तको सेयरमा यस्तो गिरावट आउँदा सामुदायिक लघुवित्त, १२% आइसीएफसी फाइनान्स लिमिटेड डेबेञ्चर २०८३, विन नेपाल लघुवित्त वित्तिय संस्था र बलेफी हाइड्रोपावरमा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः