">
हार्दिक शुभकामना
नेपालको अग्रणी आर्थिक सञ्चार माध्यम अर्थ सरोकार डटकम सातौं वर्ष पूरा भइ आठौं वर्षमा प्रवेश गरेकोमा यस पत्रिकाका सञ्चालक, सम्पादकसहित सम्पूर्ण टिममा हार्दिक बधाई तथा शुभकामना व्यक्त गर्दछ । पत्रकारिता आफैमा महत्त्वपूर्ण पेशा हो । त्यसमा पनि नेपाल जस्तो मुलुकमा आर्थिक विषयमा संचार माध्यम सञ्चालन गर्नु अझ धेरै महत्वपूर्ण कुरा हो । अर्थ सरोकारले आर्थिक पत्रकारिताको माध्यमबाट देश र जनताको आर्थिक सुव्यवस्थाका लागि चलाउँदै आएको कलमको म प्रशंसा गर्न चाहान्छु ।
देशमा निकै ठूला ठूला परिवर्तनहरू भएका छन् । राजनीतिक परिवर्तनको परिणाम स्वरुप स्थापित संघीय लोकतान्त्रिक गणतन्त्रात्मक व्यवस्थाको संस्थागत विकास गर्दै देशलाई समृद्धितर्फ लैजान सरकार प्रयत्नशील छ। सरकार भ्रष्टाचारमा शून्य सहनशीलताको नीतिसहित सुशासन, सम्वृद्धि र सामाजिक न्यायका लागि अघि बढिरहेको छ। यसका लागि आर्थिक पारदर्शिता र सुशासन कायम राख्न सञ्चारमाध्यमको भूमिका निकै महत्वपूर्ण हुन्छ ।
पत्रकारिता सधैं देश र जनताको पक्षमा हुनुपर्छ । पत्रकारिता सधै सुशासनको पक्षमा हुनुपर्छ। कसैले बदमासी गर्न लागेको छ भने समाचारकै माध्यमबाट खबरदारी गर्ने र कसैले भए गरेका राम्रा एवम् उदाहरणीय कामहरू छन् भने त्यसलाई बाहिर ल्याउने काम पनि सञ्चारमाध्यम र पत्रकारले गर्नुपर्छ । अर्थ सरोकार डटकमले आर्थिक पत्रकारिताका क्षेत्रमा गरिरहेको सकारात्मक कामसाई निरन्तरता दिदै आगामी दिनमा पनि भ्रष्टाचार नियन्त्रण, सुशासन र मुलुकको समृद्धिका लागि जनपक्षीय पत्रकारितालाई अघि बढाओस् । अर्थ सरोकार डटकम आठौं वर्षमा प्रवेश गरेको अवसरमा पुनः हार्दिक बधाई तथा शुभकामना व्यक्त गर्न चाहन्छु ।
प्रचण्ड पुष्पकमल दाहाल (प्रचण्ड)
