काठमाडौँ । नेपाल राष्ट्र बैंकको तथ्यांकले नेपाली अर्थतन्त्रका सूचांकहरु सुध्रिएको देखाउँछ । बैंकमा तरलताको अभाव खास देखिन्न । शोधनान्तर, रेमिटेन्स, विदेशी विनिमय सञ्चितिको अवस्था राम्रो छ । बैंकहरु ऋण लिन बोलाउन थालिसकेका छन् । केहि बैंकले त सेयर कर्जा लिन फोन नै गरिरहेका छन् । लाभांशको सिजन मुखैमा छ । तर यति हुँदा पनि लगानीकर्तामा मनोबल बलियो देखिएन । साताको कारोबारको पहिलो दिन आइतबार बजार २१.९९ अंकले घटेको छ ।
बजार घट्नुको दोश्रो कारण, केहि ठुला सेयर खेलाडीहरु बजार प्रवेशको तयारी गरिरहेका छन् । यस्तो बेला बजारमा थप नकारात्मक सेन्टिमेन्ट देखिनु स्वाभाविक हो । बियरिस चक्रबाट बजारले लय लिने बेलामा बिगतमा पनि यस्ता थुप्रै घटनाहरु देखिएका छन् । अझ ती ठुला खेलाडीहरु बजार २००० हाराहारी आएपछि प्रवेश गर्ने तयारीमा छन् ।
बजार घट्नुको अर्को कारण भनेको मौद्रिक नीतिको समिक्षाको छिटा र बैंक तथा वित्तीय संस्थाको नाफा घटेको तथ्यले पनि हो । यसले देशको समग्र अर्थतन्त्र कतै ठिक ठाउँमा नरहेको हो कि भन्ने आशंका गर्ने लगानीकर्ताहरु पनि बढी भएकाले बजारमा सकारात्मक सेन्टिमेन्ट नदेखिएको हो ।
