">
काठमाडौं । रिलायन्स फाइनान्सको डेपुटी प्रमुख कार्यकारी अधिकृतमा रामहरी आचार्य नियुक्त भएका छन् । यस अघि ज्योति बिकास बैंकमा रहेका उनलाई फाइनान्सले डेपुटी सीइओमा नियुक्त गरेको हो ।
उनी यसअघि ज्योति बिकास बैंकमा कार्यरत थिए । ज्योति बिकास बैंकमा एजीएम पदमा रहेका उनी त्यहीं डेपुटी सीइओ हुने लाइनमा थिए । तर एनआईसी एशियाबाट कपिल ढकाल ज्योति गएपछि आचार्यको डेपुटी बन्ने सपना तुहिएको थियो । पारसराज कंडेलसमेत भएको अवस्थामा उनको करियर ज्योतिमा कमजोर देखिएपछि उनी बैंक छोडेका थिए । अन्तत: उनी फाइनान्समा करियर बनाउन पुगेका छन् ।
आचार्यसँग २० बर्ष एभरेस्ट बैंकमा काम गरेको अनुभव छ । उनी विभिन्न अवार्डबाट सम्मानित बैंकरसमेत हुन् भने मिडियामा ज्योति बिकास बैंकका विभिन्न काण्डबारे गलत तर्क गरेको भन्दै विवादमा परेका व्यक्ति पनि हुन् ।
