">
काठमाडौं । अर्थमन्त्री डा.प्रकाशशरण महतले देशको अर्थतन्त्रमा सकारात्मक संकेत देखिएको दाबी गरेका छन् । बिहीबार प्रतिनिधिसभाको बैठकमा बोल्दै मन्त्री महतले यस्तो दाबी गरेका हुन् ।
संसदमा विभिन्न दलका सांसदहरुको अर्थतन्त्रको विषयमा प्रश्न उठाएपछि अर्थमन्त्री डा.महतले हाल समग्र अर्थतन्त्रमा सकरात्मक संकेत देखिएको दाबी गरेका छन् । यतिसम्म कि अर्थमन्त्रीले महतले हाल साह्रै निराश बनेको सेयर बजार पनि बिस्तारै सुधार हुँदै जाने दाबी गरेका छन् ।
‘जोसुकैलाई जुनसुकै क्षेत्रमा लगानी गर्ने अधिकार छ, त्यसलाई रोक्न सकिँदैन । तर, व्यवस्थित गर्नका लागि प्रयास भईरहेको छ ।’, उनले भने, ‘पछिल्लो समय विस्तारै अर्थतन्त्रमा सुधार हुँदै गएको छ । तत्कालै आत्तिनुपर्ने अवस्था छैन ।’
त्यस्तै, अर्थमन्त्री डा.महतले अर्थतन्त्रमा देखिएको सकारात्मक संकेतले सरकारको बजेट खर्च हुन थालेको पनि उल्लेख गरेका छन् ।
‘अहिले समग्र अर्थतन्त्रमा सकरात्मक संकेत देखिन थालेका छन् । टुरिष्ट एराईभलको कारणले होटल रेष्टुरेन्ट सेवा क्षेत्रमा पनि सकरात्मक प्रभाव पर्न थालेको छ । हाम्रो बजेट खर्च हुन थालेको छ । त्यसले पनि सकरात्मक प्रभाव परेको छ ।’ उनले भने ‘हाम्रो अर्थतन्त्र चलायमान हुन्छ । अर्थतन्त्र चलायमान भएपछि शेयर मार्केट पनि चलायमान हुन्छ ।’
