काठमाडौं । सोमबार एशिया कप अन्तर्गत श्रीलंकामा नेपाल र भारतबीच क्रिकेट हुँदैछ । २७ वर्षे अन्तराष्ट्रिय क्रिकेट इतिहासमा नेपाली सिनियर टोलीले पहिलो पटक भारतसँग क्रिकेट खेल्दैछ । सोही खेलका लागि अहिले श्रीलंकाको क्यान्डीस्थित पाल्लेकेले इन्टरनेशनल स्टेडियममा नेपाली समर्थकहरुको सहभागिता बाक्लो छ ।
सोही खेलमा नेपाली क्रिकेट टिमलाई समर्थन गर्न र खेलाडीको हौसला बढाउन भन्दै नेपाली कलाकार, राजनीतिज्ञ तथा जनप्रतिनिधिहरु पनि श्रीलंका पुगेका छन् । सोमबार हुने खेलमा जित्ने टिम सुपर फोरमा पुग्ने भएकाले पनि यो खेल नेपाल र भारत दुवैका लागि महत्वपूर्ण छ । खेल नेपाली समयअनुसार सोमबार दिउँसो ३ः४५ मा सुरु हुनेछ ।
सोही खेलमा समर्थन गर्न नेपालीहरु अहिले पाल्लेकेले इन्टरनेशनल स्टेडियममा नेपाली पोशाक, टिसर्ट र नेपाली झण्डासहित पुगेका छन् । बाँकी फोटो फिचरमा हेर्नुहोस्ः
