काठमाडौं । नेपाल धितोपत्र बोर्डले गैरआवसीय नेपाली (एनआरएन)लाई दोस्रो बजारमा प्रवेश गराउनका लागि मार्ग प्रशस्त गर्न अध्ययन प्रतिवेदन तयार गरेको छ । बोर्ड सदस्य सुजन कुमार काफ्लेको संयोजकत्वमा गठित अध्ययन समितिले एनआरएनलाई दोस्रो बजारमा लगानी गर्न बाटो खुलाउने सुझावसहितको अध्ययन प्रतिवेदन तयार गरेको हो ।

समितिले गैरआवसीय नेपालीलाई दोस्रो बजारमा भित्र्याउन गर्नुपर्ने नीतिगत परिवर्तन, राष्ट्र बैंक र नियामक नपाल धितोपत्र बोर्डले पूरा गर्नुपर्ने पक्रियागत सुझावलाई उक्त प्रतिवेदनमा उल्लेख गरेको छ ।

बोर्डले तयार गरेको उक्त अध्ययन प्रतिवेदनमा गैर आवसीय नेपालीहरुलाई दोस्रो बजारमा लगानी गर्नका लागि अलग्गै बैंक खाता खेल्न सक्ने व्यवस्था गर्नुपर्ने उल्लेख गरिएको छ । त्यस्तै, प्रतिवेदनमा एनआरएनले धितोपत्र बजारमा गर्ने लगानी र रकम फिर्ता लैजाने सम्बन्धमा स्पष्ट र सहज हुनेगरी छुट्टै निर्देशन जारी गर्नुपर्ने पनि उल्लेख गरिएको छ ।

त्यस्तै, धितोपत्र बोर्डले गैर आवासीय नेपालीले डिम्याट खाता खोल्ने प्रकृयामा डिजिटल माध्यमबाट समेत खाता खोल्न सकिने व्यवस्था लागू गर्ने र गैर आवासीय नेपालीले खरिद गर्न सक्ने–लगानी गर्न पाउने धितोपत्र÷क्षेत्र÷संख्या÷लगानीको सीमा रकम–अवधि सम्बन्धी व्यवस्थाका लागि बोर्डले अलग्गै नियमावली तर्जुमा गर्नुपर्ने उल्लेख छ । यस्तो छ अध्ययन प्रतिवेदनः