काठमाडौं । सेयर बजारका लगानीकर्ता राजु पौडेलले बजारको बियरिस अझै लम्बिन सक्ने बताएका छन् । अर्थ सरोकार डटकमको नियमित प्रस्तुती ‘मार्केट टक’मा बोल्दै लगानीकर्ता पौडेलले यस्तो बताएका हुन् ।
‘बियरिस चक्रका बारेमा ज्ञान नहुने लगानीकर्ताहरु अहिले धेरै आत्तिने गरेका छन् । तर, पूराना लगानीकर्ताले यसलाई बजारको नियमित प्रक्रियाका रुपमा मात्रै लिने गरेका छन् ।’, लगानीकर्ता पौडेलले भने, ‘विगतमा पनि बियरिस निकै लामो समयसम्म चलेको थियो । अहिले त भर्खर २ वर्ष पुग्दैछ । यो बियरिस त अझै लम्बिन सक्छ ।’ यस्तै, लगानीकर्ता पौडेलले आज लगानी गरेर भोली नै ‘प्रोफिट’ खोज्ने बानी ठिक नभएकोसमेत बताएका छन् ।
त्यस्तै, उनले अहिलेको बजार ट्रेडिङका लागि सही नभएको तर्क गरेका छन् । ट्रेडिङका लागि बजार ‘अप ट्रेण्ड’ हुनुपर्ने भए पनि अहिले बजार सो अवस्थामा नभएकाले हालको अवस्थामा ट्रेडिङ गर्नु ठिक नभएको उनको तर्क छ । योसँगै लगानीकर्ता पौडेलले हाइड्रो अब तत्काल नचल्ने दाबीसमेत गरेका छन् । हाल हाइड्रोमा अत्याधिक सप्लाई आएकोले यसले हाइड्रोमा जोखिम बढाएको पौडेलको तर्क रहेको छ । लगानीकर्ता पौडेलसँग गरिएको संवादको बाँकी अंश भिडियोमा हेर्नुहोस्ः
