">
काठमाडौं । नेपालगञ्ज उपमहानगरपालिकामा अनिश्चितकालीन कर्फ्यु लागेको छ । हिन्दु र मुस्लिम समुदायबीच तनाव बढेपछि जिल्ला प्रशासन कार्यालय बाँकेले नेपालगञ्जमा अनिश्चितकालीन कर्फ्यु लगाएको हो ।
ओमकार परिवार हिन्दु समाजले निकालेको र्यालीको क्रममा विवाद उत्पन्न भई सार्वजनिक सम्पत्ति तोडफोड, ढुंगामुडा प्रहारजस्ता कार्यहरु बढेपछि कर्फ्यु आदेश जारी गरिएको हो । जिल्ला प्रशासन कार्यालय बाँकेले एक सुचना जारी गरी असोज १६ गते दिउँसो १ बजे देखि अनिश्चितकासम्मका लागि कर्फ्यु लगाईएको जनाएको थियो ।
मोहम्मद डेको दिन नरैनापुरका एक युवाले सामाजिक सञ्जालमा इस्लाम समुदायप्रति जथाभावी लेखेपछि बाँकेमा धार्मिक तनाव बढेको थियो ।
