">
काठमाडौं । सोनापुर मिनरल्स एण्ड आयल लिमिटेडको आईपीओ बाँडफाँट भएको छ । कम्पनीको आईपीओ असोज २४ गते बुधबार बाँडफाँट भएको हो ।
कम्पनीले सर्वसाधारणका लागि असोज १४ गतेदेखि १८ गतेसम्म १०० रुपैयाँ अंकित मूल्यमा १३७.५८ रुपैयाँ प्रिमियम थप गरेर कुल २३७.५८ रुपैयाँको दरले ९७ लाख ३२ हजार ५ सय ४४ कित्ता सेयर निष्काशन गरेको थियो ।
उक्त आइपीओमा गोलाप्रथामार्फत १० लाख ३२ हजार १२४ जनाले १० कित्ता र ८ जनाले ११ कित्ताका दरले सेयर पाएका छन् । त्यस्तै, कम्पनीले कर्मचारीका लागि छुट्याएको ६ लाख ८ हजार २८४ कित्ता सेयरमध्ये कर्मचारीले १९ हजार ५०० कित्ताका लागि मात्र आवेदन दिएका थिए । कर्मचारीहरुले खरिद नगरेको ५ लाख ८८ हजार ७ सय ८४ कित्ता सेयर पनि थप गरेर कुल १ करोड ३ लाख २१ हजार ३ सय २८ कित्ता सेयर सर्वसाधारणलाई बाँडफाँट गरिएको बिक्री प्रबन्धकले जनाएको छ ।
लगानीकर्ताले बिक्री प्रबन्धक एनआइएमबी एस क्यापिटलको वेबसाइट र मेरो सेयर एकाउन्टबाट आइपीओको नतिजा हेर्न सक्नेछन् । साथै, सोनापुर मिनरल्स एन्ड आयलको वेबसाइट तथा सीडीएस एन्ड क्लियरिङले आइपीओ रिजल्ट हेर्न बनाएको वेबसाइटबाट पनि रिजल्ट हेर्न सकिने छ ।
