काठमाडौँ ।  ऐन विपरित प्रिमियममा आईपीओ जारी गर्न दिएको भन्दै लगानीकर्ता तिलक कोइरालाको अगुवाईमा सेयर लगानीकर्ताको एउटा टोलीले अदालतमा रिटको तयारी गरेको छ । बीमा ऐन २०७९ को दफा ४५को ५मा भएको व्यवस्था विपरित विभिन्न कम्पनीलाई आइपीओ जारी गर्न दिएको भन्दै बोर्ड र प्राधिकरणलाई विपक्षी बनाएर रिट दायर गर्न लागिएको हो ।

तिलक कोइरालाले आफुहरु अदालत जान लागेको पुष्टी गरे । ‘प्रचलित ऐन विपरित प्रिमियममा आईपीओ जारी गर्ने काम गलत भएकोले हामीले यस विरुद्ध अदालत जाने निर्णय गरेका छौँ । दुवै निकायका अध्यक्षको बर्खास्ती हाम्रो प्रमुख मागदाबी हुनेछ  ।’  अर्थ सरोकारसँग कुराकानी गर्दै कोइरालाले भने, ‘अख्तियारको चरम दुरुपयोग गर्ने दुईनिकायका प्रमुख विरुद्ध हामी अदालत जान लागेका हौँ ।’