तिहारको मौसम छ । देउशी-भैलो खेलेर रमाइलो गर्ने समय यहि हो । अहिले काठमाडौँमा १ बजेसम्म देउसी खेल्न पाइने भनिएको छ, ठाउँ हेरेर कतै १० कतै ११ बजेसम्म देउशी खेल्न दिने भनिएको छ ।
तर, सरकारले गर्नुपर्ने नियन्त्रण होइन नियमन हो । देउसी रातभर खेल्दा के बिग्रिन्छ र ? सुरक्षाको जिम्मा त सरकारको हो नि होइन र ? यस विषयमा सरकार गम्भीर हुन आवश्यक छ । नियमनका नाममा संस्कृतिमाथि नियन्त्रण गर्नु गलत हो ।
त्यसै पनि अव केहि बर्ष त होला यो देउसी खेल्ने, देशमा युवा केहि मात्र बाँकी छन् । अर्को १० बर्षमा त देउसी खेल्नेहरुमा उही बच्चा केटाकेटी मात्र हुन्छन् भन्ने देखिएको छ, र केटाकेटीहरु रातभर देउसी खेल्दैनन् । त्यसैले सभ्य देउसीलाई प्रोत्साहन गरौँ । देउसी भैलो भन्दैमा ‘तिघ्रा’ देखाएर, रक्सी खाएर, रक गीतमा नाच्नेहरुलाई हो निरुत्साहित गर्नुपर्ने । त्यस्तालाई त, राती १० बजेसम्म मात्र होइन मिले त कुनै पनि बेला देउसी खेल्न दिनु हुँदैन । देउसीका नाममा मनपरी गर्नेहरुलाई रतिभर पनि छुट दिनु हुँदैन । किनकि जाँडले मात्तिएर मनपरी गर्नु देउसी होइन, हुनै सक्दैन ।
तर, साच्चै कोहि सभ्य भएर, मादलुको तालमा देउसी भट्याउदै देशको रितिथिति जोगाउन लागिपरेको छ भने उसलाई बन्देज होइन, सुरक्षाको व्यवस्था गरेर प्रोत्साहन गर्नुपर्छ ।
