काठमाडौं । साताको कारोबारको छैठौ दिन शुक्रवार सुनको मूल्य बढेको छ। कारोबारको अघिल्लो दिनको तुलनामा आज सुनको मूल्य प्रतितोला २३०० रुपैयाँले बढेको हो ।
कारोबारको अघिल्लो दिन प्रतितोला ११३२०० रुपैयाँमा कारोबार भईरहेको छापावाला सुन, आज २३०० रुपैयाँले बढेर ११५५०० रुपैयाँमा कारोबार भईरहेको छ । त्यस्तै, तेजावी सुन २३०० रुपैयाँले बढेर प्रतितोला ११४९५० रुपैयाँमा कारोबार भईरहेको छ ।
यता चाँदीको मूल्य ९० रुपैयाँले बढेर प्रतितोला १४५० रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । विवाहको सिजनमै सुनको भाउ बढेपछि विवाहको तयारीमा रहेकाहरु महंगीको मारमा परेका छन् ।
