काठमाडौँ । अहिले देशभर तिहारको माहोल छ । जताततै तिहारको रमझममा नागरिकहरु मघ्न छन् । केटाकेटी देउसीभैलोको रमाइलोमा, नागरिकहरु किनमेलमा र व्यापारीहरु व्यापार गर्नमा व्यस्त छन् । अझ त्यसैमाथि लामो समयदेखि सुस्ताएको सुनचाँदीको व्यापार बढेपछि व्यापारीहरु मख्ख छन् । अहिले काठमाडौँको न्युरोडमा सुनचाँदी व्यवसायीहरुलाई भ्याईनभ्याई छ ।
यसअघि सामान्य रुपमा दैनिक १० किलो सुनको कारोबार भइरहेको भए पनि अहिले व्यापारीहरुले दैनिक २० किलोसम्म सुनको कारोबार गरिरहेका छन् । तिहारमा सुन जोड्ने तथा गहना बनाउने चलन र देखासिखीका कारण यो मन्दीको समयमा पनि अहिले व्यापारीको व्यापार भने बढेको छ । अझ न्युरोडमा फूल, झिलिमिली र विभिन्न सजावटबाट चिटिक्क पारिएका सुन पसलहरु देख्दा जो कोहीको पनि ध्यान तान्छ ।
अझ भनौँ, न्युरोडको सौन्दर्यता लाई सुनचाँदी पसलहरुको सजावट र झिलिमिलीले थप सुन्दर बनाएको छ । यही सौन्दर्यताको अवलोकन गर्न पनि न्युरोडमा घुम्नेहरुको भीड लाग्ने गरेको छ । बाँकी फोटो फिचरमा हेर्नुहोस्ः
