काठमाडौँ । इटालीले प्रयोगशालामा उत्पादन हुने मासुमा प्रतिबन्ध लगाएको छ । प्रयोगशालामा उत्पादन गरिएको मासुुमा प्रतिबन्ध लगाउने निर्णय इटलीको संसदबाटै पारित भएको हो ।
योसँगै इटाली कृत्रिम तरिकाले बनाएको मासुको उत्पादन, बिक्री र आयातमा प्रतिवन्ध लगाउने संसारको पहिलो देश बनेको छ । इटलीमा यसअघि जनावरको हत्याको सट्टा जनावरको कोषहरूको भिट्रो खेतीद्वारा मासु उत्पादन गरिँदै आएको थियो । इटालीको संसदले महिनौंसम्मको बहसपछि नयाँ कानून पारित गरेको हो ।
प्रयोगशालामा उत्पादन हुने मासुमा प्रतिबन्ध लागेसँगै अब नियम विपरित प्रयोगशालामा मासु उत्पादन गरेमा ६० हजार युरो (६५ हजार ८ सय अमेरिकी डलर) सम्म जरिवाना लाग्नसक्छ ।
जर्मनी र स्पेन लगायत अन्य देशहरूले खेती गरिएको मासुको उत्पादन प्रक्रिया सुधार गर्न अनुसन्धानमा ठूलो लगानी गरिरहेका बेला इटालीले प्रतिबन्ध लगाएको हो । खेती गरिएको मासुलाई हर्मोन र एन्टिबायोटिकको प्रयोगको आवश्यकता पर्दैन । यसमा परम्परागत रूपमा पाइने मासुभन्दा कम खर्च हुन्छ ।
कृषिमन्त्री फ्रान्सेस्को लोलोब्रिगिडाको सामाजिक सञ्जाल पोस्टका अनुसार यो कदमले इटालीको पाक परम्परा र कृषि क्षेत्रमा रोजगारीको रक्षा गर्ने उद्देश्य राखेको छ ।
