काठमाडौँ । तिहारको उत्सवसँगै अहिले फूलको मालाको व्यापार पनि बढेको छ । काठमाडौँका सडकहरुमा अहिले फूलका माला बेच्ने र किन्नेहरुको भीड छ । यसैबीच चाडपर्वका समयमा सबैभन्दा धेरै भिडभाड हुने न्युरोडमा पनि फूलका माला बेच्ने र किन्नेहरुको भीड लागेको छ ।
हातमा थरीथरीका फूलका मालाहरु लिएर व्यापारीहरु फुटपाथमै माला बेचिरहेका छन् । सरकारले प्लाष्टिकका फूलमालामा प्रतिबन्ध लगाएसँगै फूलको मालको व्यापारमा वृद्धि देखिएको छ । यसै पनि तिहारलाई फूलैफूलको पर्व पनि भनिन्छ । यसर्थ पनि न्युरोडमा फूल बेच्ने र किन्नेहरुको घुँइचोले तिहारको छुट्टै रौनक थपेको छ ।
फूलका माला बेच्ने व्यापारीहरुले फूलको प्रकृति, आकार र बनावटका आधारमा मूल्य निर्धारण गरेका छन् । हाल न्युरोडमा फूलका माला प्रतिगोटा १ सय ५० देखि दुई सय सम्ममा बिक्री भइरहेको छ । बाँकी फोटो फिचरमा हेर्नुहोस्ः
