विदेश जानेहरुलाई र बैंकमा प्रमोसनका लागि चाहिने सर्टिफिकेट लगायतका कागजात बनाउने ठाउँ भनेर उनको पसल अलि अघिदेखि नै चर्चामा थियो । अन्तत: विदेश जानेहरुलाई नक्कली सर्टिफिकेट बनाएर दिएको पुष्टी भएपछि थप अनुसन्धानका लागि उनलाई प्रहरीले पक्राउ गरेको प्रहरीको भनाई छ । विदेश जाने बेलामा शंका लागेर कागज बरामद भएकाहरुमध्ये राहुलकुमार मण्डलको प्लस टुको सर्टिफिकेट नक्कली पुष्टि भएपछि प्रहरीले मण्डललाई केरकार गरेको थियो । मण्डलले आफुले नक्कली सर्टिफिकेट बनाउने ठाउँ भनेर साइरसको पसल देखाएपछि साइरसको पोल खुलेको हो ।

प्रहरीले साईरसलाई प्रिन्टिङ सर्भिसबाट एक थान मोबाइल तथा सीपियु, राहुलको प्लस टुसको नक्कली सर्टिफिकेटसहित नियन्त्रणमा लिएको छ । उनलाई आवश्यक अनुसन्धान तथा कारबाहीका निम्ति प्रहरी वृत्त नयाँ बानेश्वर पठाइएको छ ।