">
काठमाडौँ । फूलैफूलको पर्व ‘तिहार’ आँगनमै छँदा धेरैमा यसको उत्साह बेग्लै छ । पहिलो दिन कागको पूजा, दोस्रो दिन कुकुर र लक्ष्मीको पूजा, तेस्रो दिन गाईको पूजापछि अहिले चौँथो दिन गोवद्र्धन तथा म्हः पूजासँगै पाचौँ दिनको भाईटिकाको प्रतिक्षा बेग्र छ ।
लक्ष्मी पूजा सकेसँगै अहिले बजारमा भाईटिकाको लागि किनमेल गर्नेहरुको भीड छ । व्यापारिक हवनका रुपमा रहेको न्युरोडमा अहिले सामान किन्ने र बेच्नेको उस्तै उत्साह छ । अन्य समयमा खाली रहने फुटपाथ यतिबेला फुटकर व्यापारीले भरिएको छ । व्यापारीहरु फूलका माला, दियो, कलश, पूजा सामाग्री, सप्तरंगी टिका, भाईमसला र उपहारका सामान पुठपाथमै फिँजाएर व्यापार गरिरहेका छन् ।
अरुबेला फुटपाथ व्यापारमा कडाइ गरेको महानगरले तिहारको समयमा केही खुला गरेसँगै न्युरोडमा फुटकर व्यापारीहरु बडो उत्साहका साथमा सामान बेचिरहेका छन् भने ग्राहकहरु पनि सहज रुपमा सामानको किनमेलमा जुटेका छन् । बाँकी फोटो फिचरमा हेर्नुहोस्ः
