काठमाडौँ । नेपाल धितोपत्र बोर्डका अध्यक्ष रमेश कुमार हमालले सार्वजनिक लेखा समितिले हिमालयन रिसहितका प्रिमियममा जारी आईपीओबारे बोर्ड र बीमा समितिलाई काटेको भनिएको पत्रबारे आफुलाई थाहा नभएको बताएका छन् ।

‘आईपीओ नै रोकिएको हो वा स्पष्टिकरणमात्र सोधिएको हो ?’ भन्ने जिज्ञासामा हमालले आफुलाई सो पत्रबारे थाहा नभएको बताएका हुन् ।

‘मैले पनि पत्रबारे मिडियामा पढेँ । यसबारे मलाई कुनै पनि जानकारी छैन ।’, हमालले भने ।

सार्वजनिक लेखा समितिले बोर्डलाई पत्र लेखेर प्रिमियममा आइपीओबारे प्रश्न गरेको छ । बोर्डकै अर्का एक उच्च अधिकारीले सो पत्रबारे आफुले थाहा पाएको तर पत्र बोर्डले नबुझीसकेको बताएका छन् ।