काठमाडौँ । मुक्तिनाथ विकास बैंक लिमिटेडको सेयर कारोबार रोक्का गरिएको छ । नियम मिचेर ‘दादागिरी’ देखाउन खोजेपछि नेपाल स्टक एक्सचेञ्ज (नेप्से)ले मुक्तिनाथ विकास बैंकको सेयर कारोबार रोक्का गरेको हो ।
बैंकले कारोबार समयमा धितोपत्र मूल्यमा प्रभाव पार्ने गरी संवेदनशील निर्णय गरेको भन्दै कारवाही गरिएको नेप्सेले जनाएको छ ।
नेप्सेका अनुसार बैंकले ५ पुष (बिहीबार) बजार समयमा सञ्चालक समितिको बैठक बसेर १०.२६ प्रतिशत लाभांश वितरण गर्ने निर्णय गरेको थियो । धितोपत्र मूल्यमा प्रभाव पार्ने गरी कारोबार समयमा संवेदनशील निर्णय गरेको भन्दै कारवाहीस्वरुप कारोबार रोक्का गरिएको नेप्सेले जनाएको छ ।
कारोबार रोक्का गर्दै नेप्सेले बैंकसँग तीन दिनभित्रमा स्पष्टिकरण पेश गर्नसमेत निर्देशन दिएको छ ।
