काठमाडौं । साताको कारोबारको तेश्रो दिन मंगलबार सेयर बजार मापक नेप्से परिसूचक बढेको छ । सोमबारको तुलनामा नेप्से परिसूचक ४५.९८ अंकले बढेर २१०६.४८ बिन्दुमा पुगेको हो ।

मंगलबार नेप्सेमा कुल ३१३ कम्पनीको १ करोड ६४ लाख ५७ हजार १ सय ३८ कित्ता सेयर खरिद बिक्री हुँदा ५ अर्ब ९८ करोडमाथिको सेयर कारोबार भएको छ । आज सबैभन्दा बढी कारोबार शिवम् सिमेन्टको भएको छ । यस कम्पनीको ३७ करोड ४३ लाख ४८ हजार २ सय २ रुपैयाँ ५० पैसा बराबरको सेयर कारोबार भएको छ ।

यस्तै मंगलबारको सेयर बजारमा सबैभन्दा बढी नाफा बोटलर्स नेपाल (बालाजु) लिमिटेडका लगानीकर्ताले कमाएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा मेरो माइक्रोफाइनान्स वित्तीय संस्था, उन्नति सहकार्य लघुवित्त वित्तीय संस्था, शिवम् सिमेन्ट, नेपाल रिपब्लिक मिडिया र घोराही सिमेन्टका लगानीकर्ताहरु पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरूको सूचीः

यसैबीच मंगलबारको सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको ३७ करोड ४३ लाख ४८ हजार २ सय २ रुपैयाँ ५० पैसा बराबरको सेयर कारोबार भएको छ । यस अलावा सोल्टी होटल, सोनापुर मिनिरल्स एण्ड आयल लिमिटेड, हाथवे इन्भेस्टमेन्ट नेपाल, घोराही सिमेन्ट, हिमाल दोलखा हाइड्रोपावर र रिलायबल नेपाल लाइफ इन्स्योरेन्समा पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरूको सूचीः

यस्तै मंगलबारको सेयर बजारमा सिद्धार्थ इन्भेस्टमेन्ट ग्रोथ स्किम-२ का लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ७ प्रतिशतभन्दा धेरैले घटेको हो । सिद्धार्थ इन्भेस्टमेन्ट ग्रोथ स्किम-२ मा यस्तो गिरावट आउँदा माथिल्लो मैलुङ्ग खोला जल विद्युत, ८.५% प्रभु बैंक डेबेञ्चर २०८७, ८.५% सानिमा बैंक डेबेञ्चर २०८७ र पिपुल्स पावरमा पनि उच्च गिरावट देखिएको छ । हेर्नुहोस् मंगलबारको  सेयर बजारमा सबैभन्दा बढी गुमाउने कम्पनीहरुको सूचीः