">
काठमाडौँ । उड्दाउड्दै ढोका खसेको बोइङ ७३७ म्याक्स ९ मोडेलका विमानका बोल्टहरु कस्नुपर्ने निष्कर्ष निस्किएको छ ।
अलास्का एयरलाइन्सको विमानको उड्दाउड्दै ढोका भुँइमा खसेपछि प्राविधिक टोलीले गरेको छानबिनपछि बोइङ ७३७ म्याक्स ९ मेडेलका विमानका बोल्टहरु अलिकति कस्नुपर्ने निष्कर्ष निकालेको हो ।
गत शुक्रबार अमेरिकाको पोर्टल्याण्डबाट ओन्टारियो (क्यालिफोर्निया) गइरहेको अलास्का एयरलाइन्सको विमानको आपतकालीन ढोका उडानकै क्रममा भुँइमा खसेको थियो ।
उक्त घटनापछि हाल अमेरिकाको संघीय उड्डयन प्रशासनले बोइङ ७३७ म्याम्स ९ मोडेलका १७१ वटा विमान ग्राउन्डेड गरिदिएको छ ।
