काठमाडौँ । सन् २०२४ मा विश्वभर बेरोजगारी दर झनै बढ्ने प्रक्षेपण गरिएको छ । अन्तराष्ट्रिय श्रम संगठन (आईएलओ)ले तयार गरेको सन् २०२४ को विश्व रोजगार र सामाजिक दृष्टिकोण प्रतिवेदनले विगतभन्दा यो वर्ष धेरै मानिसहरु बेरोजगार बन्ने प्रक्षेपण गरेको हो ।

आईएलओका अनुसार सामाजिक असमानता र स्थिर उत्पादकत्वको कारण अन्तराष्ट्रिय श्रम बजारमा बेरोजगारी दर बढ्दै गएको छ ।

सन् २०२४ मा विश्व बजारमा २० लाख नयाँ श्रमिकहरु थपिने हुनाले बेरोजगारी दर झनै बढ्ने प्रक्षेपण गरिएको छ । अर्थात यसवर्ष विश्वभर बेरोजगारी दर ५.२ प्रतिशतसम्म पुग्ने आईएलओले जनाएको छ । सन् २०२३ मा बेरोजगारी दर ५.१ प्रतिशत मात्रै रहेको थियो ।

आईएलओले यो वर्ष काम गर्ने गरिब श्रमिकहरु झनै बढ्ने दाबी गरेको छ ।