×

Live on

रेडियो अर्थ सरोकार

Listen to live radio.

PRIME CA
laxmi sunrise bank

फिल्मी शैलीमा गुडिरहेको ट्रकबाट १६ करोडको आइफोन चोरी !

काठमाडौँ । भारतमा गुडिरहेको ट्रकबाट फिल्मी शैलीमा १० करोड भारुको आइफोन चोरी भएको रहस्य खुलेको छ । भारतको पश्चिम बङ्गालमा गुडिरहेको ट्रकबाट चोरहरुले गत सेम्टेम्बर २८ मा भारतीय रुपैयाँ ९ करोड ७० लाखको १ हजार ५०० थान आइफोन चोरी गरेका हुन् ।

अमेरिकी कम्पनी एप्पल इंकको आइफोनहरु बोकेर चेन्नईबाट कलकत्ता गइरहेको ट्रक पश्चिम बङ्गाल प्रवेश गर्ने बित्तिकै चोरी भएको थियो ।

आइफोन बोकेको ट्रकमा प्रयोग गरिएको अत्याधुनिक जीपीएस सिष्टमको सहयोगमा आइफोन चोरी भएको थाहा पाएपछि ट्रक सञ्चालक कम्पनीले प्रहरीमा उजुरी दिएको थियो । ट्रक कतै पनि लामो समय नरोकिएकाले आइफोन ट्रक गुडिरहेकै बेलामा चोरी भएको ट्रान्सपोर्ट कम्पनीले दाबी गरको छ ।

हाल उक्त चोरी घटना कलकत्ता उच्च अदालतमा पुगेको छ । मुद्दाको पहिलो सुनुवाइको दिन गुड्दागुड्डै आइफोन चोरी भएको घटना सुनेर अदालतका न्यायाधीशहरु पनि छक्क परेका थिए । उक्त घटनाको अर्को सुनुवाई फेब्रुअरी २ मा हुने बताइएको छ ।

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: