काठमाडौँ । भारतका गौतम अडानी एशियाकै सबैभन्दा धनी व्यक्ति बनेका छन् । यसअघि भारत र एशियाकै सबैभन्दा धनी व्यक्ति रहेका मुकेश अम्बानीलाई पछि पार्दै शुक्रबार अडानी एशियाकै सबैभन्दा धनी व्यक्ति बनेका हुन् ।
ब्लुमबर्ग बिलिनियर्सका अनुसार कुल नेटवर्थ ९७ अर्ब ६० करोड डलर पुगेसँगै अडानी एशियाकै सबैभन्दा धनी व्यक्ति बनेका हुन् ।
अडानी हाल सर्वाधिक धनी व्यक्तिको सूचीमा १२औँ स्थानमा पुगेका छन् । उनी बिहीबार उक्त सूचीको १४औँ स्थानमा थिए । योसँगै यसअघि भारत र एशियाकै सर्वाधिक धनी व्यक्ति रहेका मुकेश अम्बानी ९७ अर्ब डलरसहित १३औँ स्थानमा छन् ।
यसअघि अमेरिकी शर्ट सेलर कम्पनी हिडनबर्गको प्रतिवेदनका कारण ३ खर्ब ५२ अर्ब भारु बराबरको पूँजी गुमाएको अडानी ग्रुपको सेयरमा पछिल्लो समय व्यपाक वृद्धि देखिएपछि अडानी सर्वाधिक धनी व्यक्तिको सूचीमा माथि उक्लिएका हुन् ।
