काठमाडौँ । ग्लोबल आइएमई बैंकले रवि लामिछानेलाई दिएको पत्रमा मिति गलत भएकोबारे प्रष्टिकरण दिएको छ । सो पत्रमा मिति गलत परेकोबारे अर्थ सरोकारले समाचार प्रकाशन गरेपछि सम्पर्कमा आएका ग्लोबल आइएमई बैंकका कर्पोरेट कम्युनिकेसन विभागका कर्मचारी सुजन पुडासैनीले सो गल्ती मानवीय त्रुटीका कारण भएको र बैंकले सच्याउने बताएका हुन् ।
पत्रकार सम्मेलनमै पत्रमा उल्लेखित मितिबारे कुरा उठेपछि रास्वपा सभापति लामिछाने स्वयमले पत्रमा मिति गलत परेको स्वीकार्दै सो विषयमा बैंकका प्रतिनिधिसँग टेलिफोन वार्ता गरेका थिए ।
सो वार्ताका क्रममा बैंक प्रतिनिधिले बैंकले दिएको विवरण सही भएको बताएका थिए ।
