">
काठमाडौँ । नेपाल एयरलाइन्सको काठमाडौँ-दोहा-काठमाडौँ उडान रद्द भएको छ । नेपाल एयरलाइन्सको ९एन-एएलजेड कलसाइनको वाइडबडी जहाजमा समस्या आएपछि काठमाडौँ–दोहा–काठमाडौँ दुईतर्फी उडान नै रद्द भएको हो ।
उडान रद्द भएपछि दुवैतर्फका ५ सय ३० जना यात्रु अलपत्र परेका छन् । यता नेपाल एयरलाइन्सले जहाजको फ्लाइट कन्ट्रोल सेन्सरमै समस्या आएकाले उडान रद्द गर्नुपरेको जनाएको छ ।
हाल प्राविधिक समस्या आएको जहाज मर्मतका लागि ग्राउन्डेड गरिएको छ ।
नेपाल एयरलाइन्सका दुई न्यारोबडी र दुई वाइडबडीमध्ये दुई वटा जहाजमा प्राविधिक समस्यमा आएर ग्राउन्डेड भएपछि एयरलाइन्सको उडान तालिका प्रभावित बनेको छ ।
