काठमाडौँ । काभ्रेको बनेपा नगरपालिका–९ का अध्यक्ष नृपेश बादे १५ लाख घुससहित पक्राउ परेका छन् । उनलाई अख्तियार दुरुपयोग अनुसन्धान आयोगको टोलीले बुधबार राती भक्तपुरको ग्ठठाघरबाट घुस रकमसहित पक्राउ परेका गरेको हो ।
अख्तियार दुरुपयोग अनुसन्धान आयोगका अनुसार अध्यक्ष बादेलाई १५ लाख रुपैयाँ घुस लिइसकेको अवस्थामा पक्राउ गरिएको हो । उनले घर बाटो सिफारिस गर्ने भन्दै घुस लिएको अख्तियारले जनाएको छ ।
पक्राउ परेका अध्यक्ष बादेको साथबाट घुसको १५ लाख रुपैयाँ, स्रोत नखुलेको १० हजार जापानीज ऐन, एक सय अमेरिकी डलर, हुण्डाई आई टेन कार बरामद गरिएको छ । उनीसँगै उनको कार चालकलाई समेत नियन्त्रणमा लिएको अख्तियारले जनाएको छ । उनी नेपाली कांग्रेसबाट निर्वाचित वडा अध्यक्ष हुन् ।
