काठमाडौं । साताको कारोबारको तेश्रो दिन मंगलबार सेयर बजार मापक नेप्से परिसूचक झिनो अंकले घटेको छ । सोमबारको तुलनामा नेप्से परिसूचक ०.४० अंकले घटेर २०९८.२९ बिन्दुमा पुगेको हो ।
नेप्सेमा कुल ३१० कम्पनीको १ करोड १८ लाख १ हजार ३ सय ६० कित्ता सेयर खरिद बिक्री हुँदा ४ अर्ब २९ करोडमाथिको सेयर कारोबार भएको छ ।
आज पनि सबैभन्दा बढी कारोबार हिमालयन रिइन्स्योरेन्स लिमिटेडको भएको छ । यस कम्पनीको ५५ करोड ९ लाख ८० हजार ७ सय ८५ रुपैयाँ ५० पैसा बराबरको सेयर कारोबार भएको छ ।
यस्तै मंगलबारको सेयर बजारमा सबैभन्दा बढी नाफा चन्द्रागिरी हिल्सका लगानीकर्ताले कमाएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा नेपाल लिउब आयल, एनएमबी माइक्रोफाइनान्स वित्तीय संस्था, तेह्रथुम पावर कम्पनी, आइजीआइ प्रुडेन्सियल र दोर्दी खोला जलविद्युतका लगानीकर्ताहरु पनि मालामाल भएका छन् । हेर्नुहोस् मंगलबारको सेयर बजारमा सबैभन्दा धेरै नाफा गर्ने कम्पनीहरुको सूची :
यसैबीच मंगलबारको सेयर बजारमा सबैभन्दा बढी कारोबार हिमालयन रिइन्स्योरेन्स लिमिटेडको भएको छ । यस कम्पनीको ५५ करोड ९ लाख ८० हजार ७ सय ८५ रुपैयाँ ५० पैसा बराबरको सेयर कारोबार भएको छ । यस अलावा अपि पावर कम्पनी, एनआरएन इन्फ्रास्ट्रकचर, ङ्गादि ग्रुप पावर, सोनापुर मिनिरल्स एण्ड आयल लिमिटेड र अरुण काबेली पावरमा पनि अत्याधिक कारोबार भएको छ । हेर्नुहोस् मंगलबारको सेयर बजारमा सबैभन्दा धेरै कारोबार गर्ने कम्पनीहरुको सूची :
यस्तै मंगलबारको सेयर बजारमा मिड-सोलु हाइड्रोपावरका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ६ प्रतिशतभन्दा धेरैले घटेको हो । मिड-सोलु हाइड्रोपावरमा यस्तो गिरावट आउँदा गुराँस लघुवित्त,अपर स्याँगे हाइड्रोपावर, आशा लघुवित्त वित्तीय संस्था र लक्ष्मी इक्वटी फण्डमा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूची :
