काठमाडौँ । सिद्धेश्वर बचत तथा ऋण सहकारी संस्थामा चोरी भएको छ । मोरङको पथरी शनिश्वरे नगरपालिका-४ स्थित उक्त सहकारीमा बुधबार राती चोरी भएको हो ।
झ्याल फुटाएर भित्र पसेको चोरले सहकारीको ५ लाख ३९ हजार ५ सय ४७ रुपैयाँ चोरी गरेको संस्थाका कर्मचारीले बताएका छन् ।
संस्थाका ती कर्मचारीका अनुसार नगदसँगै चोरले सहकारीमा जडान गरिएको सीसीटिभी क्यामेराको हार्डडिस्कसमेत चोरी गरेको छ । हाल उक्त चोरीका विषयमा थप अनुसन्धान गरिरहेको प्रहरीले जनाएको छ ।
