काठमाडौं । मुक्तिनाथ कृषि कम्पनीको संचालकमा पूर्व मिस नेपाल सुगारिका केसी नियुक्त भएकी छिन् ।
कम्पनीको माघ २२ गते सम्पन्न सञ्चालक समितिको बैठकको निर्णय बमोजिम कम्पनीको सर्वसाधारण समुहबाट प्रतिनिधित्व गर्ने संचालक रिक्त रहेको सन्दर्भमा, कम्पनी ऐनको दफा ९० को उपदफा ३ र मुक्तिनाथ कृषि कम्पनीको नियमावलिको नियम २७ को उपनियम ४ बमोजिम धापाखेल, ललितपुर जन्म भई हाल सुर्यविनायक, भक्तपुर निवासी सुगरिका के.सी. लाई आगामी वार्षिक साधारणसभाबाट अनुमोदन गर्ने गरी नियुक्ति गरेको हो ।
कृषिमा आधारीत अर्थतन्त्र भएको नेपालमा सर्वसाधारणको तर्फबाट संचालकमा के.सी.को नियुक्तिले आम कृषक, उपभोक्ता, व्यवसायिक साझेदार, लगानीकर्ता र सम्पूर्ण सरकारी तथा गैरसरकारी सरोकारवालाहरुमा कृषि क्षेत्र प्रति थप आकर्षण र सकारात्मक सन्देश प्रवाह हुने कम्पनीले अपेक्षा गरेको छ ।
