×

Live on

रेडियो अर्थ सरोकार

Listen to live radio.

laxmi sunrise bank

नक्कली नोटको कारोबार गर्ने ग्याङ्ग पक्राउ, ६१ हजार बरामद, कसरी चिन्ने सक्कली र नक्कली ? (भिडियोसहित)

काठमाडौँ । बाराबाट नक्कली नोटको कारोबार गर्ने ग्याङ्ग नै पक्राउ परेको छ । नक्कली नोटको कारोबार गरेको भन्ने सूचनाका आधारमा प्रहरीले एक हजार दरका नेपाली नक्कली नोटसहित पाँच जनालाई पक्राउ गरेको हो ।

पक्राउ पर्नेमा सर्लाहीका ४४ वर्षीय रामचन्द्र महतो कोइरी, बाराका सुमित साह, सन्तोष पटेल, पर्साका विशाल कुमार श्रीवास्तव र नीरज श्रीवास्तव रहेका छन् ।

नक्कली नोटको कारोबार गर्दै गरेको भन्ने सूचनाका आधारमा सुरुमा एकजनालाई पक्राउ गरेको र बाँकी ४ जनालाई अन्य ठाउँबाट पक्राउ गरेको जिल्ला प्रहरी कार्यालय बाराले जनाएको छ । उनीहरुको साथबाट प्रहरीले एक हजार दरका ६१ थान नक्कली नोट, सीमकार्ड र ७ थान मोबाइल बरामद गरिएको प्रहरीले जनाएको छ । उनीहरुमाथि थप अनुसन्धान भइरहेको प्रहरीको भनाई छ ।

कसरी चिन्ने सक्कली र नक्कली नोट ?
नक्कली नोट र सक्कली नोटमा धेरै फरक हुने भएकाले छुट्याउन धेरै गाह्रो हुँदैन । सक्कली नोट खस्रो हुन्छ । साथै अंकहरुसमेत केही उठेका हुन्छन् । छाम्दाखेरी चिल्लो छ र अंकहरु उठेका छैनन् भने त्यो नोट नक्कली हो। सक्कली नोटको बीच भागमा सुरक्षा धागो हुन्छ । नोटलाई उज्यालोतिर फर्काएर हेरेमा नेपाल राष्ट्र बैंक लेखिएको पढ्न सकिन्छ । नक्कली नोटमा राखिएको सुरक्षा धागोले नोटका अक्षरहरु छोपिएका हुन्छन् ।नक्कली नोटका कारोबारीहरुलाई ५ वर्षदेखि १० वर्षसम्म कैद र ५० हजार देखि १ लाख रुपैयाँसम्म जरिवाना हुन सक्ने मुलुकी अपराध संहिताको दफा २५६ मा व्यवस्था छ । (भिडियो)

Hamro Parto AD
TRITON COLLEGE

प्रतिक्रिया दिनुहोस्

सिफारिस: