काठमाडौं । दुबईबाट भित्री वस्त्रमा सुन लुकाएर नेपाल ल्याउने दुई जना महिला पक्राउ परेका छन् । पक्राउ पर्नेमा ३८ वर्षीय सन्चा कुमारी राई र २६ वर्षीय उर्मिला मगर रहेका छन् ।

हिमालयन एयरलाईन्सको उडानद्वारा दोहाबाट नेपाल आएका ती महिलाले भित्री वस्त्रमा लुकाई अवैध रुपमा सुन ल्याएको पाइएपछि प्रहरीले पक्राउ गरेको हो । सन्चा कुमारी राईको साथबाट प्रहरीले पहेलो रंगको धातुको करिब ११.६४ ग्राम तौलको बेरुवा औँठी १ थान र करिब ५८.३२ ग्राम तौलको ब्रासलेट १ थान बरामद गरेको छ ।

त्यस्तै, उर्मिला मगरको साथबाट  करिब ५० ग्राम तौलको सिक्री १ थान र करिब १८ ग्राम तौलको गणेशको मुर्तिको लकेटसहित सिक्री १ थान बरामद गरेको प्रहरीले जनाएको छ ।

पक्राउ परेका दुवै जनालाई थप अनुसन्धान तथा आवश्यक कारवाहीका लागि त्रिभुवन विमानस्थल भन्सार कार्यालयमा पठाईएको छ ।