×

Live on

रेडियो अर्थ सरोकार

Listen to live radio.

laxmi sunrise bank

नागरिकता किर्ते गरी मृत्यु भएका व्यक्तिको पेन्सन बुझ्ने राष्ट्रिय वाणिज्य बैंकका कर्मचारी पक्राउ, बैंकिङ कसुरमा कार्वाही हुने !

काठमाडौँ । मृत्यु भइसकेका व्यक्तिको पेन्सन झिकेको आरोपमा राष्ट्रिय वाणिज्य बैंकका कर्मचारी पक्राउ परेका छन् । मृत्यु भइसकेका व्यक्तिहरुको पेन्सन आफैँ झिकेर ठगी गरेको आरोपमा बैंकको महाराजगञ्ज शाखाका कार्यालय सहयोगी पूण्यप्रसाद अधिकारी पक्राउ परेका हुन् ।

अधिकारीलाई जिल्ला प्रहरी परिसर काठमाडौँले बिहीबार पक्राउ गरेको हो । पक्राउ परेका अधिकारीले कम्तीमा ८ जनाको पेन्सन पट्टाबाट आफैँले पेन्सन बुझेको पाइएको प्रहरीले जनाएको छ ।

प्रहरीका अनुसार अधिकारीले बैंकबाट पेन्सन लिइरहेका व्यक्तिको नागरिकता र पुरानो फोटो टाँसेर नयाँ नमुना कार्ड बनाएर बैंकमा हाजिर भइरहेको देखाई आफैँले पेन्स लिने गरेका थिए ।

अधिकारी रामेछापको लिखु तामाकोशी गाउँपालिकाका बासिन्दा हुन् । पक्राउ परेका अधिकारीलाई बैंकिङ कसुरमा थप कार्वाही तथा अनुसन्धानका लागि हिरासतमा राख्न प्रहरीले उच्च अदालत पाटनसँग अनुमति मागेको छ ।

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: