काठमाडौँ । सुन तस्करी प्रकरणमा कार्वाही सिफारिस गरेपछि प्रहरीको केन्द्रीय अनुसन्धान ब्युरो (सीआईबी)का अधिकारी अदालत जाने भएका छन् । सुन तस्करी नियन्त्रण सम्बन्धी जाँचबुझ आयोगले छानबिनमा लापरबाही गरेको ठहर गर्दै सीआईबी अधिकारीलाई कार्वाही गर्न सिफारिस गरेपछि सीआईबीका ४ जना अनुसन्धान अधिकारीहरु अदालत जाने भएका हुन् ।

सुन तस्करी नियन्त्रण सम्बन्धी जाँचबुझ आयोगलाई अनुसन्धान अधिकारीमाथि कार्वाही सिफारिस गर्नेसम्मको कार्यादेश नभएको भन्दै उनीहरु अदालत जान लागेका हुन् ।

आयोगले सुन तस्करी प्रकरणमा संलग्न व्यक्तिहरुमाथि राम्रोसँग अनुसन्धान नगरेर अनुसन्धामा लापरवाही गरेको ठहर गर्दै सीआईबी प्रमुखसहितका अधिकारीहरुलाई कार्वाहीका लागि सिफारिस गरेको थियो ।