">
काठमाडौँ । रिडी पावर कम्पनीका अध्यक्ष गुरुप्रसाद न्यौपाने ‘इन्साइडर ट्रेडिङ’मा दोषी ठहर भएका छन् । मंगलबार विशेष अदालतका अध्यक्ष टेकनारायण कुँवर तथा सदस्यहरु रामबहादुर थापा र मुरारीबाबु श्रेष्ठको इजलासले न्यौपानेलाई दोषी ठहर गरेको हो ।
सम्पत्ति शुद्धीकरण विभागले गत कात्तिक १३ गते दायर गरेको मुद्दामा दोषी ठहर भएसँगै अदालतले न्यौपानेमाथि कसुर कायम गर्दै सजाय निर्धारणका लागि चैत १५ गते अर्को पेसी तोकेको छ ।
न्यौपानेसहित सोही मुद्दाका अर्का प्रतिवादी कुवेरमणी नेपाललाई भने अदालतले सफाई दिएको छ ।
दोषी ठहर भएका न्यौपानेले रिडी पावर कम्पनीमा रहँदा कम्पनीको सेयर पदमा बहाल रहँदाकै बखत गैरकानूनी रुपमा खरिदबिक्री गरेको भेटिएको थियो ।
