काठमाडौँ । दक्षिण कोरियामा बेरोजगारी दर घटेको छ । अघिल्लो वर्षको तुलनामा दक्षिण कोरियाकामा बेरोजगारी दर १३.३ प्रतिशतले घटेको हो । थोक, खुद्रा, निर्माण र शिक्षा सेवा क्षेत्रहरुमा काम मागको कारण बेरोजागरी दर दोहोरो अंकमा झरेको दक्षिण कोरियाको श्रम मन्त्रालयले सार्वजनिक गरेको तथ्यांकले देखाएको छ ।

श्रम मन्त्रालयका अनुसार फेब्रुअरीमा रोजगारी खोज्ने नयाँ आवेदकहरूको संख्या ९३ हजार २०० पुगेको छ । जनवरीमा बेरोजगारी दरमा एक अंकको वृद्धि भए पनि फेब्रुअरीमा भने पुनः तल झरेको मन्त्रालयको तथ्यांकमा उल्लेख छ ।

यद्यपि गत महिना थोक, खुद्रा, निर्माण, र शिक्षा सेवा उद्योगहरूमा आवेदकहरू घटेता पनि सूचना र सञ्चार क्षेत्रमा बढेको देखिएको छ । हाल दक्षिण कोरियामा फेब्रुअरीमा रोजगार खोज्नेको कूल भुक्तानी ८.५ प्रतिशतले बढेर ९६१.९ अर्ब वोन (७३१.४ मिलियन अमेरिकी डलर) पुगेको पनि मन्त्रालयले जनाएको छ ।